麥明詩畀選美貼士減肥贏好感
前港姐陳凱琳、邵珮詩、麥明詩、劉穎鏇與應屆港姐雷莊兒、何依婷、黃瑋琦及張寶欣，昨日在尖沙咀出席《2018香港小姐競選》招募活動記者會。麥明詩為有意參選者提供選美貼士，表示最重要是參選前減肥，因為首次面試的相片會廣泛流傳，影響觀眾印象！
穿吊帶衫示人的麥明詩清減不少，狀態弗爆，她提議新一屆港姐先亮相她與馮盈盈主持的節目《#後生仔傾吓偈》受訪，讓觀眾深入了解真個性，又提供選美心得：「最緊要先減肥，好多人覺得入選會幫你改造一切，但係第一日面試嘅相流傳萬世，面試狀態已經好重要！如果觀眾投票，由第一日已經睇住你。同埋唔好抱太大期望，開放心態，每年制度、節目內容都唔同，係考驗適應能力，對做人都有用。」她當年沒猶豫過就報名參選，自言不是傳統的標準港姐，身高不足5呎7吋，亦沒有36E上圍，故觀眾投票的方式較適合她。問到可有推薦朋友參選？她笑說：「我老喇！身邊朋友同我差唔多年紀，但係都會鼓勵佢哋參選。」
劉穎鏇怕咗異地戀
至於陳凱琳剪了齊蔭新髮型，她笑說：「已經5年冇轉髮型，呢個係我17歲時嘅髮型，就快27歲，啱啱10年。（男友鄭嘉穎鍾唔鍾意？）我剪完問佢後唔後生，佢話我已經夠後生，唔使再剪啲咁後生嘅髮型。（介意大家外表差得遠？）唔係。」
而昨日21歲生日的劉穎鏇獲大會安排送蛋糕慶生，選美後來港發展的她與身在美國的男友甩拖，她說：「依家冇追求者，做嘢先，唔恨拍拖。（要求高？）高過我或者同我一樣高就得，都已經年幾冇拍拖，選完之後就分手，異地戀真係唔得。」
雷莊兒卸任返加國
此外，雷莊兒早前大賣關子表示已對去向有決定，但要待卸任後才公布。她昨日出席活動後在社交網意有所指，表示每個結束都是一個新開始，指這一年對她而言充滿回憶，並上載與同屆港姐張寶欣及何依婷等的合照。雷莊兒卸任後將回家鄉加拿大，不留港發展。
文：影視組