模特兒林小美（Cherry）將推出介紹日本的旅遊書，近日她為新書到當地取景，並率先分享書中的多個造型。她說：「今次我換咗15個造型，包括日式和服、校服同便服等，仲去咗超過廿個景點拍攝，盡力令新書內容豐富啲。我仲會教大家影相時點樣擺甫士，因為我做開模特兒工作，對上鏡方面都有啲研究，希望可以幫到大家影靚相。」

問到Cherry會否有意推出個人寫真集？她則表示未有興趣：「我唔係身材特別好，又唔係行開性感路線，所以冇諗過出寫真集。反而我本身對日本有認識，除咗識日文之外，仲去過當地廿幾次，所以新書以介紹日本為主，帶大家去一啲較少遊客去嘅地方，玩嘅時候唔使人逼人。」