自嘲年紀大 顏子菲操兩嘢病倒

藝人顏子菲與陳倩揚昨日出席首映活動。子菲透露6月開拍新戲，因急於操Fit搞到病倒：「由每日做一個鐘運動變咗做兩個鐘，可能年紀大咗捱唔住！」又指新片內心戲比較複雜，不需要特別性感，希望帶給觀眾一個全新形象。
顏子菲將開拍新片，指內心戲較多。
顏子菲將開拍新片，指內心戲較多。

而陳倩揚挺八個月巨肚示人，表示佗第三胎頗舒服：「OK喎！返得工、食得、瞓得！（唔緊張？）可能陣痛嘅時候會有啲緊張，生第二胎嗰陣都係就嚟生先緊張！」又透露希望可以順產：「兩個仔係咁摸我個肚，有時摸到囡囡踢我，覺得好神奇！」

腹大便便的陳倩揚預計7月生得。
  • 腹大便便的陳倩揚預計7月生得。