李思欣衰多手辣傷靚樣

藝人李思欣近日在美國登台搵真銀，一連多日的行程中，先後去過多個地方包括三藩巿、洛杉磯、西雅圖。她坦言行程雖緊密，但仍有爭取兩日時間去Shopping及觀光：「七日裏面搭咗兩次飛機，其實都有啲攰！今次同老公一齊去，因為我未去過美國，所以未出發先興奮，都係唱吓歌、叫賺吓錢咁。最唔好彩嘅就係一去到我已經肚屙，一唱完又屙一次，真係屙到個人散晒。」思欣又透露前日Set頭時見髮型師行開，便自行拿起夾髮器整理頭髮，殊不知「辣」親面頰，搞到紅了一撻！她表示已即時搽藥膏，希望不會留下疤痕。