羅浩銘仆落街搵肥仔原來喺衣櫃
武打藝人羅浩銘帶同愛貓「肥仔」亮相節目《巨星Pet Pet》，鏡頭前充滿男子氣概的他，對住「肥仔」即秒變「暖男」，貼心照顧貓貓，更曾因小意外而大失方寸！
新一集東網巨星節目「中英純貓酒店特約」《巨星Pet Pet》中，羅浩銘（Ken）為大家介紹其寵物「肥仔」，貓如其名身形龐大，但「物似主人形」身手非凡，閒時愛拍打逗貓棒鍛煉體魄，被抱起時更會做「下身運動」！Ken笑說：「佢會放軟對腳揈吓揈吓，好似凌空打鞦韆咁，仲會一邊揈一邊岳高個頭望住我，真係好搞笑！」
靠「喵喵叫」重逢
Ken與「肥仔」同居9年，感情深厚，不過相處初期，「肥仔」曾因不適應新居而經常匿埋，令Ken擔心得驚惶失措：「有次肥仔趁我開衣櫃門嗰陣，好快咁跳咗入去，我冇為意，閂咗櫃門出去做嘢，返到屋企發現唔見咗佢，搵勻全間屋甚至落街都唔見，我嗰陣真係超擔心！」最後他靠貓叫聲尋回「肥仔」，自此更加愛惜，絕對不會棄之不顧。
《巨星Pet Pet》每集均請來不同藝人分享與星級「萌寵」的相處之道，包括廖碧兒及傅穎等，並一連六集精選愛貓之人包括陳婉衡、唐貝詩、陶枳樽、羅敏莊及胡琳等，大談與家中貓貓的故事，愛貓之人不容錯過，節目在東網App及東網網頁播放，大家可隨時隨地收看及重溫。
佛系貓貓主人都想學！
11歲的「肥仔」是英國短毛貓，性格非常冷靜，面對大小事都處之泰然，就連Ken也笑言要向牠好好學習。Ken於9年前領養「肥仔」與另一貓貓，另一隻去世後，剩下「肥仔」與他相依為命。
文：專案組
https://goo.gl/gVgb6d