阿嬌赴美加巡唱未婚夫冇影
Twins成員蔡卓妍（阿Sa）孖準新娘鍾欣潼（阿嬌），昨日下午約5時10分戴着黑超、身穿休閒衣服，與兩名助手現身機場起程前往溫哥華舉行巡唱，隨行有十多箱行李，但就未見阿嬌未婚夫賴弘國現身。
之前曾有傳阿嬌將於3場美加巡迴後，「5.25」在洛杉磯舉行婚前派對，不過記者就留意到阿嬌此行沒有戴上訂婚戒指。問到二人今次去邊？阿嬌就甜絲絲話去美加舉行演唱會，但未婚夫不會捧場，再問到幾時返？阿Sa撒嬌話做完演唱會就返。追問阿嬌是否於當地舉行婚前派對？她春風滿面說：「唔講啦，今次係去美加演唱會，溫哥華、洛杉磯再去多倫多。」之後對於有關婚禮的事宜，阿嬌一律都沒有回應，只掛住叫記者睇路。至於問到阿Sa買咗婚紗畀阿嬌未？她說：「未呀，未揀！」最後二人於入閘前轉身向記者揮手道別。