黃宗澤焗住拍劇嗌恐怖！
藝人黃宗澤（Bosco）和黎耀祥現時均在內地拍劇，身在杭州的Bosco昨日在微博放上烈日當空下，工作人員幫他穿着厚厚大絨褸的相片，留言說：「一張照片…告訴你今天的溫度」，更附上滴汗公仔。Bosco受訪時指內地氣溫高達36至37度：「呢度真係好恐怖，因為連咗戲，所以要着大褸。（有冇試過中暑？）好彩未試過，我哋好多法寶，風鼓、手提風扇、冷風機、冰涼噴霧、冰涼濕紙巾乜都出嚟！」
黎耀祥現於橫店拍內地劇《鳳奕》，他受訪時坦言：「我試過喺開平拍《公公出宮》時中暑，頭暈暈、反胃咁，今次呢度都熱，好彩有樹蔭，未至於暴曬，老婆都諗再熱啲會煲定啲冬瓜薏米消暑。」
吳卓羲要歎冷氣
此外，吳卓羲昨日接受電台訪問，提到有份主演的邵氏網劇《飛虎之潛行極戰》在無綫首播，反應不俗，他指網絡累積有25億點擊，算是有交代。對於拍第二輯，他坦言除了最希望有戲做和多感情線外，最緊要有冷氣！
