楊洛婷唔去街等老公送驚喜

藝人楊洛婷與唐寧昨日到大埔出席ViuTV世界盃宣傳活動，兩位靚媽大談母親節心情。首次以人母身份過節的楊洛婷感覺興奮，一早已將8個月大的女兒打扮靚靚：「好開心，老公話有驚喜畀我，我一陣返屋企就唔想出街。以前我都會送花畀媽咪，希望老公識做啦。今年媽咪同奶奶唔喺香港，希望之後可以一齊過，每年更加開心。」
楊洛婷與唐寧出席活動後，各自返屋企陪家人過母親節。
楊洛婷與唐寧出席活動後，各自返屋企陪家人過母親節。

唐寧表示一對子女以往都會畫畫送給她，並大讚大仔有畫畫天分：「好得意，佢鍾意畫啲嘢好真，但又好天馬行空，我就話媽咪咩都鍾意。（平時一齊畫？）都試過做手工，佢都幾有創意，有時仲會將垃圾變成玩具。」

唐寧玩遊戲時非常投入。
  • 唐寧玩遊戲時非常投入。