組合HotCha昨日為下月舉行的十周年演唱會排舞，張惠雅（Regen）笑言：「已經排得七七八八，好開心大家冇見咁耐，各自舞功都有進步，而且默契仲喺度。」黎美言（Winkie）則直言要加強體能：「最長嘅一部分表演超過十五分鐘，少啲氣力都唔得，大家都唔再係廿歲，要排一個完整嘅騷真係唔容易，不過我哋有信心應付到。」張紋嘉（Crystal）透露演出時不穿高踭鞋：「改着高踭嘅波鞋，安全啲，唔好受傷。」
