蔡思貝自薦教細路笑死徐榮

藝人徐榮開設的教育中心昨日開幕,獲一眾劇集《大帥哥》演員洪永城(Tony)、蔡思貝(Sisley)、楊秀惠等現身撐場。對於徐榮表示會邀請星級嘉賓擔任導師,Sisley表示有即場自薦:「我話教小朋友人生智慧,徐榮就笑咗出嚟,不過我都係講笑啫!」她稱如果擔任導師,可以教德文或鋼琴。至於可會打算自己開舖?Sisley笑指做生意要用很多時間和精力,加上對數字敏感度不大,所以做生意對她來說是很遙遠的事。

搵囡囡試堂

至於首次做老闆的徐榮指早已有開教育中心的計劃,與拍檔一拍即合,投資六位數字,約三個月內便開業,希望可以開分店。他透露會有演戲和司儀的課程,希望透過課程提升小朋友的表達能力、自信心、情緒控制及溝通能力等。問到可會邀請圈中藝人擔任代言人?徐榮說:「我諗要搞大啲先。(可以搵囡囡做?)諗吓,佢有嚟玩,但好多興趣班佢未上到住。」

馬國明唔搵心穎做生意

同場的馬國明亦透露有構思與朋友開舖,但不會與女友黃心穎合資,問到是否怕出現拗撬?他說:「唔係,不過各自各做好啲!」而Tony笑言考慮做星級導遊,但可能一年只帶一團。

文:影視組