宋熙年輕鬆長胎笑老公緊張
藝人宋熙年昨日為DBS星展銀行iWealth®app發布會擔任司儀，懷孕5個月的她身穿低胸紅裙及3吋高踭鞋上陣。受訪時說到剛與老公陳智燊去毛里裘斯旅行，笑言放假人輕鬆，終於「長胎」，但指老公陳智燊是緊張大師：「好多都話唔准食，如果我想食甜嘢或凍嘢，佢就畀一啖我。不過今日開始努力賺奶粉錢，我都會同佢講吓理財，有BB要計劃吓。」
許志安被問到是否搵夠錢可以退休，他即自認貪心，覺得永遠都不夠，演藝上仍有要追求的夢想，所以永不言休：「如果唔係就會好悶，冇衝擊。」提到太太為另一銀行拍廣告，安仔覺得二人沒有打對台。
