意國遇杜琪峯杜汶澤變鵪鶉

藝人杜汶澤近日獲邀出席意大利烏甸尼遠東電影節,向來「口多多」的他,自爆在偶像杜琪峯面前即變「鵪鶉」﹕「杜生係影展常客,今次係我首次喺咁大型嘅活動上撞到佢,咁啱有批浸會大學電影系學生組隊嚟考察,杜生就請大家食飯,席間我哋咪將一啲經驗攞出嚟同大家分享囉!作為杜生嘅後輩,我都學到唔少嘢。」

今次是阿澤第5次出席該影展,但卻是首次以導演身份亮相:「適逢今年係影展20周年慶典,我套戲又搞咗個歐洲首映,可以話此行別具意義!我都有偷得浮生半日閒,四出閒逛同搵吓好嘢食,喺意大利『蒲』咖啡廳絕對係享受!」