盧凱彤捱多3年做高齡學生
歌手盧凱彤（Ellen）日前到大學開騷，她笑言：「青春嗰時嚟過囉，近排發現身邊所有人都係90後，就明白我入咗行嘅日子唔短，都有16年，亦終於明白當年明哥（黃耀明）簽我入行嘅心情，就係覺得自己有啲老喇！哈哈，有番咁上下年紀。」
Ellen表示沒上過大學，很想感受「書卷氣」，不少歌迷在網上給她意見，可以修讀校外或遙距課程，但她覺得始終不及身在校園的氣氛，若能再返校園，她想讀心理學。但由於她剛簽約新公司，相信暫時未能圓讀書夢：「啱啱簽咗約，點都做埋呢3年，做埋呢兩張碟先，到時重返校園做一個高齡學生。」
Ellen又透露日前相約林二汶食飯，互談近況：「依家社會同市場變得好快，我哋都學緊嘢，去了解啲人聽咩歌、做嘢模式係點，要不斷增值自己先得。」