黃文意減肥半熟搣甩𡃁妹味
藝人黃文意（Mandy）近日擔正演出新劇《十二傳說》，惟開鏡前突然被換角色，由飾演同性戀者改為演學生。對於換角一事，Mandy大方表示這是最好的安排，揚言會落力減磅，望以新面貌展現人前。
Mandy早前離開主播工作，全力向演戲之路進發，最近她獲賞識參與無綫劇集《十二傳說》，除了戲份較重外，更要紮胸做同性戀角色。面對新挑戰，Mandy亦大呼期待：「唔好睇我嘅打扮女性化，其實本身個樣都幾中性。加上我會喺內衣方面做手腳，專登買咗阿婆內衣包實啲，到時會再加多塊紙板遮身材，盡力帶畀觀眾新一面。」
不料準備工夫用不着，Mandy獲告知改為飾演學生角色，她表示理解換角的決定：「拍劇有改動係正常嘅，試完造型發現我唔太適合演TB，就同另一個演員交換咗角色，變咗喺劇中做學生妹。（好可惜？）相信之後都有機會挑戰其他角色，同埋另一個演員比較適合演TB。對於劇集嚟講換角係最好嘅安排，所以我唔會覺得可惜或失望。」
天生童顏絆腳石
此外，天生童顏的Mandy過往曾遇上心儀角色，卻因外形所限而被拒絕，令她決心減肥「增齡」！她說：「其實我去過好多Casting，啲監製都同我講我個樣太細個，比較適合做人哋個女或學生，行政人員呢啲角色就唔得啦！試過我好想做某啲角色，都因為外形而被拒絕，所以我會努力減走Baby Fat，令個樣變番成熟啲。」
文：專案組