劉浩龍恨去俄羅斯睇世界盃
藝人劉浩龍昨日於邵氏影城錄影ViuTV節目《Good Night Show全民星戰》，與主持林敏驄及梁漢文玩遊戲。劉浩龍笑指要看節目表現，才知自己能否跟明星足球隊一起去俄羅斯欣賞世界盃，更大爆梁漢文加入明星足球隊後，已經看過三次世界盃，所以他會積極爭取，順道到俄羅斯旅行。
早前劉浩龍為演唱會積極操弗，被問可會擔心睇波時狂吃零食？他說：「唔怕，三個月之後有特別工作，要Keep住狀態，唔可以亂食嘢。」並指身邊朋友受他影響，齊齊做運動，自稱變成健康運動大使：「磅就減晒，之後要再谷肌肉，想力量型多啲。（咁谷法有冇唔舒服？）冇，身體好精神又好。」