劉雅麗堅持原創拒做扮嘢騷
資深藝人劉雅麗和譚偉權合作無間，攜手合作大型歌舞劇，向一代巨星梅艷芳和張國榮致敬，製作費達數百萬元，絕對是揼本之作。他們堅持原創，重新演繹樂壇巨星，拒絕模仿：「角色名都唔同。」
劉雅麗（Alice）和譚偉權（Gary）昨日出席歌舞劇《絕代芳華》記者會，該劇以梅艷芳和張國榮的生平故事作藍本，7月4日至10日晚8時在新光戲院公演。二人在台上獻唱原創主題曲《若我再活多一次》，Alice透露歌舞劇成本達七位數，雖然不惜工本，但適逢是兩位巨星逝世15周年，故特別有意義。
識於微時
接受訪問時，Alice笑言與Gary識於微時，十分有緣：「中學已經認識，演藝學院又係同班同學，合作過好多次，大家咩都可以講，有晒默契，當年仲一齊去過歐洲旅行。點解我哋冇結婚嘅？哈哈！不過真係好難得，劇界嘅人唱歌叻嘅唔多，咁啱Gary鍾意張國榮，我鍾意梅艷芳，係好有緣分。今次多咗十幾首以前冇唱過嘅歌，所以要係咁捉住佢同我練歌。」
唔怕批評
問到要演繹兩位傳奇人物，會否擔心被梅媽批評？Alice稱：「連角色名都唔同，如果係模仿就一定會有人話邊忽似邊忽唔似，劇情又會被猜度，我哋想避免呢個情況，希望大家真係嚟睇套劇，唔係嚟睇模仿大賽。」Gary亦坦言不怕：「冇人可以代替哥哥同梅姐，我哋唔係模仿，只係攞佢哋嘅生平做藍本，講述兩個巨星嘅故事，如果大家要對號入座就冇辦法。」
文：音樂組