李嘉欣期待收Jayden情書

李嘉欣有子萬事足，今年7歲的Jayden，預告會送上情書作為母親節禮物，嘉欣說：「之前嘅母親節收過佢畫嘅火柴人同好有藝術創意嘅畫作，只要係佢畫嘅嘢，見到就心滿意足。今年佢學緊中文，識咗好多詞彙，佢話會用中文寫信畀我，好希望收到佢寫嘅中文情信，唔介意有錯別字。」

老公要嚟差遣

兒子送的每份禮物，她都珍藏於盒子內，其中Jayden未出世時在嘉欣肚內的第一張超聲波照，可說是兒子送的第一份禮物！

嘉欣與老公許晉亨結婚快將10年，她揚言對老公要求好高，但對兒子要求則寬鬆，好大包容，嘉欣笑說：「老公係要嚟差遣，我就畀個仔差遣，哈哈！自己講完都滴汗。Jayden會恰我，同我冇乜嘢傾，通常係咁，會恰自己最鍾意嘅人，佢唔會恰陌生人，同人哋Friend過同我。」

嘉欣上載與Jayden的生活照，盡顯母子樂。	放大圖片	李嘉欣、許晉亨有子萬事足，不再追女兒。

決定唔再追女

嘉欣續說：「之前同親戚食飯，席間有兩位媽媽，佢哋啲仔女都大晒，個媽媽講到母親節仔女有節目，交低錢畀個媽媽自己去慶祝，個媽媽講時都冇嘢，仲大笑。（如果將來Jayden畀錢你自己慶祝呢？）我唔會太開心囉！最好唔好，如果真係咁，我又同個仔關係好嘅話，咁自己都要EQ高啲。（期待將來兒子安排母親節節目？）佢係男仔，唔覺得男仔會主動安排節目畀媽媽，我心理上調校咗係冇先，唔想自己失望，將來如果有，我會好安慰。」

問到嘉欣會否再生？她笑說：「唔生喇！有個朋友話夢見老婆生咗個女，話發夢已經好開心，於是我問老公有冇發過呢個夢，點知老公話：『從來冇發呢個噩夢！』」

文：音樂組