Jessica自家品牌眼鏡周董都撐
組合Super Girls成員蔡明思（Jessica）昨日現身電台為自家眼鏡品牌宣傳，事前她就自爆前幾晚都發噩夢，壓力甚大，全因驚被節目主持人森美不停寸，同埋要講感情事。
提到自家眼鏡品牌，即時老闆娘上身的Jessica開心指，開業9個月已大賺6位數字，之後都會考慮開Pop-up store，又指創業是為了賺取經驗：「經過今次之後，都賺咗知道原來身邊有好多好人支持、幫我，自己都比較怕醜。有次睇周杰倫（周董）演唱會，入後台送咗副眼鏡畀佢，緊張到一句說話都講唔到，第二日見佢戴住副眼鏡好開心，好似打咗支強心針咁，不過Yanny（陳穎欣）成日都話我唔識幫品牌宣傳。」
