陳家樂捱山聰打險撞爆鼻

藝人林夏薇（薇薇）、陳家樂、陳山聰與江欣燕等昨午到荔枝角出席無綫熱播劇《逆緣》宣傳，眾人大玩遊戲兼劇透，家樂難忘與山聰對打的重頭戲：「場戲拍足兩日，山聰差啲幫我提早煞科，呢場戲更搞到我差啲畀張枱撞爆鼻。」可謂有驚無險。

演奸角遭網民喪鬧

剛從台灣公幹返港的家樂又自爆病到七彩：「落機飲咗包奶即刻又屙又嘔，三日兩夜差唔多冇食過嘢，返嚟真係要補補佢！次次唔使錢出埠就咁，上次同惠英紅去上海都一樣。（佢話遲啲要叫你做樂爺喎！）佢知我戲內做爺爺先咁講！佢係我恩人，總之佢出聲合作，一定義不容辭！」戲中演大奸角的山聰自爆捱鬧：「唔好話行出街，啲網民已經截圖鬧爆，證明套劇成功！」提到好友吳家樂在新疆拍劇期間發文指「被當透明」， 他表示已留言叫對方加油。至於薇薇透露稍後為山聰的新劇客串一場戲才正式放長假，山聰即笑說：「係啊！等佢生完返嚟先有得再合作喇！」

陳家樂（左）、陳山聰（右）	林夏薇透露完成手上的工作才放假，專心造人。	江欣燕否認為前夫還債，更直言冇聯絡。

江欣燕再見不是朋友

另外，江欣燕被指幫前夫還債，對方更已覓得第二春，欣欣對此說：「我冇幫佢還過債！（前夫有女友，你Dry咁耐？）又知我冇？身邊好多男性朋友，現階段覺得有得揀好過冇！（同前夫保持聯絡？）做到朋友就唔會結束夫妻關係啦！」

文：影視組