「百萬女郎」Rose滿意Whole Body Peggy被撩搽油
擁有43.5吋長腿的「百萬女郎」丘雅雯（Peggy）與拍檔秦芷瑤（Rose）以泳裝上陣大晒身材，二人表示每逢夏天都愛到沙灘游水及出海曬太陽，平日會勤做運動保持美好身段。
Peggy表示見過有外國人在沙灘裸曬被偷拍，問她會否嘗試裸曬？她說：「一定唔會！我比較保守，唔好搞啲咁嘅嘢。」她直言最滿意自己的鎖骨、長腿及24吋纖腰，至於Rose則表示滿意整副身材：「因為係媽媽畀我！」
買比堅尼成癮
Peggy自爆有鋪買比堅尼癮，去旅行見到靚款式就會買，保守估計有二十多套：「我揀泳衣嘅準則要靚，可以騷到自己優點，特別係腰嘅線條，同埋安全起見唔好咁透。」問到可有試過在沙灘被男士撩？她笑言曾有男士乘勢要求一齊玩：「通常我同班姊妹一齊，個男仔話想幫我搽太陽油，但我笑一笑就會走。（試過咁樣發展感情？）未，我覺得唔太好，都係正常途徑識好啲。」至於Rose從未試過這類的沙灘艷遇。另外，二人表示《百萬富翁》的拍攝已接近尾聲，希望將來有更多合作機會。
文：影視組