唐貝詩黐身貓陪入被竇

東網巨星節目「中英純貓酒店特約」《巨星Pet Pet》，新一集請來藝人唐貝詩（Lydia）為大家介紹她的貓咪姊妹花「唐貝雪」及「唐貝花」。雖然兩隻貓咪是姊妹，但性格完全相反，「雪雪」平易近人，而「花花」則我行我素，非常有性格。Lydia說：「花花係我妹妹養開嘅，可能因為咁，所以佢冇咁黐我，唔鍾意畀人抱佢攬佢，好需要有個人空間，有時我坐喺佢隔籬，佢都會覺得我侵犯咗佢、阻住佢咁，即刻匿入被竇！」

性格不一 相處融洽

講起「雪雪」，Lydia即冧爆指牠超級黐身：「雪雪係超級黐人、超級嗲，佢一定要我攬住佢先瞓得着。每晚到咁上下時候，佢就會準時捐入被竇，黐到我實一實，真係勁煙韌。」雖然兩隻貓貓性格不一，卻相處得非常融洽。《巨星Pet Pet》每集均會請來不同名人紅星分享飼養心得，包括廖碧兒、傅穎、陳婉衡等，其他藝人與星級「萌寵」將陸續登場！大家可在東網App及網頁隨時隨地收看及重溫。

雪雪黐實主人，不過花花就我行我素掉頭走。	唐貝詩睡眼惺忪，雪雪肩負鬧鐘的角色。	雪雪年紀不輕，然而正一老來嬌，嗲勁十足。

18高齡依然精靈

「唐貝雪」及「唐貝花」今年18歲，初生時被Lydia的爺爺於家中後花園發現，於是爺爺決定將兩頭貓分別贈予Lydia及妹妹Fiona，自此「四姊妹」一起相伴長大。雖然兩隻貓貓已達18歲高齡，但身體依然非常健康，「花花」只是偶有小毛病，「雪雪」更是十分精靈。

文：專案組

https://bit.ly/2KFmlQ5