祖兒擲2億買淺水灣逾3千呎豪宅

有「女樓神」之稱的祖兒近年愛投資「磚頭」，加上在精明的容媽媽余金鳳教路下，狂掃港島區豪宅。之前有指她兩年前開始分散投資，商舖、工業大廈亦「有殺錯冇放過」。據聞她現時手上擁有12個物業，當中更有「Full Pay」購入，認真豪氣！

容媽媽掌財政大權

一向低調的祖兒將所有投資功勞歸功容媽媽，今次被揭透過轉讓公司股權方式，豪擲2億購入南區淺水灣道56號一個雙號複式單位，祖兒透過經理人霍汶希回覆：「我嘅財政大權同投資都交畀母親，我唔係好清楚，祝大家母親節快樂。」

根據地產界消息，該雙號複式獨立屋實用面積3,341平方呎，若以市傳成交價約2億元計算，實用呎價約5.99萬元。據土地註冊處資料顯示，持有上述單位的公司，乃英皇娛樂酒店CEO、導演杜琪峯愛將黃卓玲丈夫余永焯，但現已辭職，並新委任容祖兒及余金鳳為董事。

投資有道的祖兒曾於訪問中表示，一直將所有「血汗錢」交由容媽媽投資，每個月只得數千元零用錢，慳慳埋埋後會買少量股票基金作長線投資，實行磚頭、股票兩方面發展將身家滾大。在近年香港樓市有升冇跌的情況下計算，保守估計祖兒身家已超過4億，相信其物業資產之後會繼續升值。

劉浩龍單拖赴會

另外，祖兒前男友劉浩龍日前與大班圈中好友，一齊品嘗謝霆鋒炮製的美食。座上客之一的梁漢文在社交網上載大合照，並留言：「多謝謝大廚超級好味的晚餐，Happy Gathering ，唔該快啲再食多餐。」相中見郭偉亮夫婦、陳奕迅夫婦、蘇永康夫婦等成雙成對赴會，只有謝霆鋒與劉浩龍沒攜眷出席。

文：音樂組