王敏奕怕醜匿埋志偉親邀「新抱仔」合照
藝人曾志偉前晚宴請一眾演員吃飯，其「新抱仔」王敏奕都有現身，更識做地為「老爺」宣傳餐廳，難怪獲志偉錫到燶。
邵氏網劇《飛虎之潛行極戰》於內地網上點擊突破21.5億，成績驕人，日前身在柬埔寨打波的曾志偉接到好消息，返港後以「試新菜」為名，設宴請一班兄弟手足吃飯。前晚出席的包括邵氏高層樂易玲、吳卓羲、梁烈唯、高海寧等，而吃飯地點正是位於九龍城、志偉新開的餐廳，一早到場的志偉表示餐廳剛試業，六月將會正式開幕。
獲曾國祥大讚廚藝
志偉的「新抱仔」王敏奕亦有份參演《飛》劇，提及來到「老爺」的餐廳，她即尷尬面紅，但亦識做地介紹新菜式，笑言幾乎全部試勻。王敏奕透露自小跟媽媽學煮飯，笑言廚藝獲男友曾國祥大讚：「我煮乜佢都話好食，煮即食麵佢都話好食，我好有研究，好享受煮飯，尤其是大家食得開心。」她又表示喜歡煲湯，當被大家取笑時，她即說：「但我係事業型女性嚟！」此外，當提議到門外與「老爺」合照時，王敏奕起初不肯，後來要志偉親自入內邀請，她才乖乖順從。
唯唯扮文青惹禍
而梁烈唯來到時被發現手上布滿紅點，他坦言半邊身也是這樣：「今朝發現即刻去睇醫生，以為德國麻疹，好彩唔係。我諗係因為早兩日行山，自己扮文青喺草地轆，當時畀嘢咬到都唔知。睇咗皮膚科醫生，應該係我對蝨或蠓嘅口水過敏所致！」
文：影視組