謝婷婷收拉姑家傳之寶：保險箱咁大！

女星謝婷婷及歌手梁詠琪（GiGi）昨晚出席卡地亞Résonances de Cartier高級珠寶展記者會，佩戴價值千萬珠寶的婷婷被問到會否揀定珠寶送給媽咪狄波拉（拉姑）？她笑說：「努力緊，反而佢有好多珠寶留畀我！有一盒，保險箱咁大。（逾百件？）冇數，但每件都好有價值，一代傳一代。（媽咪留畀你做嫁妝？）唔係，已經有幾件喺手。」談到揀珠寶心得，婷婷喜歡簡單款式，因較易配襯。提到胞兄謝霆鋒病倒，她希望母親節正日對方可病愈下廚，有指霆鋒將開演唱會？婷婷說：「係咪真？如果係，我梗係想睇！（你上台唱？）我反而想睇佢熨頭髮！」