鍾嘉欣養生孕媽變Dr.鍾
懷孕6個月的藝人鍾嘉欣昨日現身田原香滴雞精「懷孕養胎心得聊天室」講座活動，穿上3吋高踭鞋兼挺住大肚的她，表示返港兩個多星期，晚上便啟程返加拿大養胎，預計一年後再返港露面，故心情既期待又不捨。
問到若然有可觀酬勞的工作可會返港？嘉欣斬釘截鐵表示不會：「真係要生B，要祝福自己生產順利，因為過程只係一線之差！我第一胎用咗17個鐘去生，聽人講第二胎十幾分鐘就搞掂，我都希望快，唔好喺車度生囉！」屆時老公會陪產，雖然仍未想知BB性別，但大讚胎兒溫柔，未有如大女般在肚內使用拳腳。
對於好姊妹李亞男欲生B，對方可有向她取經？嘉欣笑言：「我生完大女後變咗營養師，會睇書同老公、朋友傾啲自然療法學習健康知識。（變咗專家？）啲朋友依家叫我Dr.鍾，有咩頭暈身熱、生痔瘡都搵我，我平時會食維他命、食療、鹼性水提升免疫力，坐月都跟足傳統食薑飯o架！」