現年23歲的美國女模Gigi Hadid登上《Vogue》雜誌意大利版封面，卻被修圖「黑化」變成古銅色肌膚，引來種族歧視爭議，Gigi急急在社交網澄清與她無關！
擁有巴勒斯坦與荷蘭血統的Gigi膚色偏白，最近登上雜誌封面卻變成「黑面神」，封面照在網上公開後隨即引起廣泛回響。有網友質疑雜誌以電腦技術調深Gigi的膚色，並留言：「簡直係兩個人，呢個絕對唔係你，我認唔出係你，似Beyonce個妹Solange多啲！」亦有網友質疑雜誌與其調深Gigi的膚色，倒不如一開頭就邀黑人擔任模特兒。就連《Vogue》的姊妹雜誌《Teen Vogue》亦出Post質疑封面照的Gigi膚色有別。
Gigi事後在社交網澄清，表示事情不在她控制之內：「請大家明白我冇得控制創作方向，我離開咗攝影場景就冇再參與，所有相片後製都完全唔關我事。」同時解釋照片效果是攝影師Steven Klein的個人風格：「變古銅色同修圖係S. Klein多年嚟嘅風格，我相信係佢哋期望（喺創作上展示我唔同嘅樣）。不過，雖然我明白《Vogue》意大利版嘅目的，但執行上係有問題，大家嘅質疑係合理嘅。」
文：外娛組