楊受成密會周潤發斟合作
周潤發夫婦及英皇娛樂老闆楊受成前晚相約飯敍，方中信、導演彭秀慧亦是座上客，席間眾人開心合照，楊受成上載照片並寫道「今天和天王巨星周潤發、發嫂，超級靚佬香港Richard Gere（方中信）晚餐聚會，巧遇我的囡囡Cindy和新進金像導演彭秀慧。」照片中發哥「轉形象」留了長髮，不失英氣。
據悉，發哥夫婦與楊受成今次並非普通飯敍，原來英皇構思了一套新戲，望發哥能夠參演。方中信昨受訪時表示：「咁秘密你都知？係發嫂叫我去食飯，我哋係『跑腳』，成日一齊跑步嘛。（聽聞英皇同發哥有合作喎。）呢個唔清楚。（想同佢拍戲？）梗係想啦，咁多年嚟我哋試過拍同一部電影，但冇對手戲嘅，有機會梗係好！」他還搞笑指已完成手頭上的工作，目前「待業」，下月會與家人到峇里及意大利旅行充電。另外，發哥繼續被發現到大帽山行山，被網民集郵。
