黎耀祥生日炮製驚喜送鑽戒冧老婆

黎耀祥感激太太多年來默默支持，送鑽戒作獎勵。

視帝黎耀祥（祥仔）現於內地搵真銀，拍攝劇集《鳳弈》。昨日於工作中過生日的他，獲數十位工作人員為他慶生，除了送花和蛋糕外，更預備了消暑生果及禮物包。至於祥仔老婆Julia亦收大禮，原來他早前訂造了鑽石戒指，訛稱有事回港，其實是趕住取戒指送給老婆，認真恩愛。

希望演技進步

祥仔接受訪問時表示：「劇組好有心，大家都知我不嬲好低調。（阿仔送乜？）佢喺美國都校啱時間傳咗短訊畀我。（有咩生日願望？）當然係開開心心啦！希望自己演技、各方面都有進步，拍多啲好嘅戲。」

黎耀祥早前與粉絲搞聚會，提前慶生。

放大圖片

問到內地拍劇會否比較輕鬆？他說：「今次嚟內地拍劇，各樣安排好完善，經驗好豐富，我拍得幾開心，劇中演員都同好多香港演員合作，好有默契。我希望可以用普通話同佢哋合作，呢套劇又係老拍檔張華標做編劇，好容易明白佢要乜。」

文：影視組