譚詠麟撐場嘉賓變觀眾
去年曾以嘉賓身份登上五月天演唱會舞台的譚詠麟（校長），昨晚親到現場觀賞他們的戶外騷，在睇騷前他又跟許冠傑（Sam）接受DJ余宜發訪問。
校長跟阿Sam將於8月再度攜手在紅館開《阿Sam & 阿Tam Happy Together 演唱會Part II》，齊齊分享做騷秘訣，他們表示在開騷前盡量不會食到好飽，校長說：「每晚做完演唱會就會食一大餐，透過呢一餐嘅能量，令身體一直支持到第二晚演唱會。」他再爆料：「阿Sam開演唱會嘅時候，買好多小食喺後台，好似炸大腸丶魚蛋丶燒賣，但佢自己就一啲都唔食，怕唱歌期間會發出飽嘅聲音。」