陳婉衡少爺貓恃寵橫行

無綫咪神陳婉衡(Alycia)身材出眾,深受宅男追捧。愛心爆棚的她一向關注小動物,3年前更收養街貓,果然人美心善!Alycia透過東網巨星節目《巨星Pet Pet》,分享與家中「萌寵」的生活趣事。

東網巨星節目「中英純貓酒店特約」《巨星Pet Pet》,新一集邀請到Alycia與愛貓「BB」擔任嘉賓。Alycia早年在街上收養「BB」,當時貓咪只得3個星期大,仍未戒奶:「嗰時4至6個鐘就要食嘢,有一次我要返工,又冇人可以幫手餵佢,我就偷偷哋帶咗佢返公司,一邊做嘢一邊餵佢。公司同事都好好,幫手照顧『BB』,仲搵紙皮盒畀佢玩。」

愛搗亂撩是鬥非

「BB」在Alycia的悉心照顧下健康成長,牠活潑好動冇時停,經常在家中搗亂,令主人相當頭痕!雖然愛貓的「惡行」多多,Alycia依然包容及愛錫:「其他寵物會有特別技能,但佢冇乜技能,淨係識食、瞓同搗亂,性格比較少爺仔,鍾意撩是鬥非又多嘢講。我唔會特登訓練佢,只要佢健康就得喇!」

Alycia在節目中分享更多愛貓的得意一面,例如鍾情在舊衣物中取暖等等。《巨星Pet Pet》每集均會請來不同藝人分享與星級「萌寵」的相處之道,包括傅穎及李旻芳等,其他藝人陸續登場!節目逢周二更新,在東網App及東網網頁播放,大家可隨時隨地收看及重溫。 

無師自通鋼管「舞」

正所謂「物似主人形」,雖然3歲的「BB」為雄性街貓,但與主人Alycia一樣熱愛鋼管舞,「BB」更無師自通,懂得在鋼管上使出拗腰及轉圈等招數,「跳」得有板有眼,可謂表現專業,BB似乎承繼了主人的演藝細胞。

Profile

Blaze Chan(BB)

年齡:3歲

性別:雄性

性格:少爺仔、愛撩是鬥非及多嘢講

強項:跳鋼管舞

飼養年期:3年

文:專案組

https://bit.ly/2w1hZiJ