馬國明背心穎咀詩詠：唔使交代
馬國明日前趁女友黃心穎與家人旅行，偷啜契妹唐詩詠，更直言唔使交代！至於身在外地的心穎就晒三點式反擊，更被家姐心妙將其正面的泳裝照放上社交網。
藝人馬國明與郭晉安昨日現身火炭為無綫新劇《白色強人》拍攝外景，二人大熱天時分別穿上整套西裝及皮褸，頻呼好熱！馬國明透露最近都在拍攝手術室戲，直言覺得複雜，而5月中會到深圳拍外景，他更自爆日前與契妹、劇中女友唐詩詠拍咀戲，被笑指趁正印女友黃心穎去旅行才拍親熱戲，他說：「又唔係我安排嘅。（同心穎備案？）做嘢唔使同佢交代啦！」
出手遮事業線
雖然詩詠是其契妹，但拍攝時並沒尷尬，更指二人合作多次，今次是第二次咀對方。談到心穎在社交網上載穿比堅尼的背面照，馬國明說：「冇睇呀！（有傳正面照畀你？）唔知喎！睇吓手機先，拍緊嘢未得閒！」另外，心穎的家姐心妙將心穎的正面泳衣照放上網，但就巧妙地用手遮實心穎的事業線。
郭晉安仔女探班
郭晉安相隔多年再與馬國明合作，大讚對方變得成熟。談到拍劇會否少了時間陪仔女？他透露仔女曾到內地探班：「之前拍《再創世紀》有到內地探班，個仔就讚啲外景飯盒好食，個女就讚我拍劇造型好靚仔！」又指暑假會與太太歐倩怡帶小朋友去旅行。
文：影視組