周秀娜着高踭鞋變豬蹄
藝人周秀娜、鄧麗欣（Stephy）、簡淑兒、Aka等昨日出席慈善跑活動，周秀娜因腳有舊患而未有參賽，即使平日着高踭鞋太久，腳都會變紅腫！至於Stephy選3公里而不跑10公里賽事，原來是為了保住靚樣見傳媒。
僅參與開步禮未能落場參賽的周秀娜，直言因不想觸及舊患：「大會都有叫我跑，其實3公里我OK，應該跑到嘅，但前幾年拍戲傷咗腳之後，就真係好少跑，好少再跑多過2公里，跑得多就會痛。」她指腳傷舊患因韌帶撕裂，的確手尾長，若果休息不足或者天氣都有關係，會導致發炎及腫。豈非不能劇烈運動？周秀娜說：「依家只可以做啲鍛煉腳嘅平衡，同鍛煉側邊嘅肌肉運動。」
Stephy長跑覺得悶
近日周秀娜正拍攝一套警匪片，多郁動戲，令情況變嚴重，她說：「着高踭鞋太長時間，都會變紅變腫，冇辦法，要靠自己休息先得！」新片中她飾演鑑證人員，與張智霖齊齊查案，笑言：「有一日拍場捉賊戲份，都係張智霖揸車追，唔使我跑！」
至於Stephy原本考慮過跑10K，但10K在活動前開始，為免跑完身水身汗受訪，就揀了活動之後的3K賽事，而她自稱最強試過參加15公里跑山賽：「我體力OK，但意志力唔夠，讀書時跑田徑、打排球比較講求爆炸力，只不過我外表比較斯文，其實鍾意多啲走動嘅運動，長跑會覺得好悶。」提到好友吳雨霏的預產期，Stephy表示應該是6、7月，又指在社交網看見對方的照片，仍然纖瘦不似大肚！
簡淑兒唔想做弱雞
而簡淑兒6月會開拍青春劇演學生，但她希望演性格剛強或打女的角色，由於身形纖瘦，笑言正努力操弗：「唔想畀人感覺太弱雞，依家我係『1』字身形直落，想操出『S』身段。」
文：音樂組