李嘉欣最怕失禮睛服囝囝

《2018愛彼女皇盃》昨日假沙田馬場舉行，李嘉欣以「愛彼女皇盃大使」身份亮相及頒獎，透露老公許晉亨亦有到馬場，而老爺許世勳的愛駒「翔惑」在第二場賽事跑第三。她表示會跟老公在沙圈觀馬及研究，問到會否討論到唇槍舌劍？她說：「唔會，拗撬都只喺生活上。（為教仔？）總有一方做好人或壞人，好不幸我被委派做壞人嘅角色，其實我唔鍾意做，但冇辦法，唔想佢任何人都唔驚，咁樣會毀佢一生。」

想睇黎明「大製作」

問到這個反派角色如何演繹？她表示如果在街上未能出言指摘兒子時，會以凌厲眼神「制裁」他，主要在禮儀及品德方面：「我比較注重禮貌呢方面，有時喺屋企過分少少由佢，出到街就唔可以。先瞪大對眼，然後怒目而視，佢就知道。（有效？）我覺得唔失禮，當然有失禮嘅部分，但我盡咗力，會繼續努力。」她透露現在家中育有貓及狗，讓兒子的責任感提升不少：「前排隻貓做絕育手術，佢作為寵物嘅主人好擔心，依家識得關心動物同人多咗，畀佢經歷係一件好事。」談到天王黎明早前榮升人父，她表示有恭喜對方，問到會否探BB？她說：「如果對方方便，都想睇吓佢嘅大製作，等BB的爸爸、媽媽安頓好先。」

黃婉曼與老公拉頭馬。

鄧鉅明

鄧鉅明慰勞太太

另外，太子珠寶鐘錶集團主席鄧鉅明獨自現身，問到母親節如何慰勞太太鄧宣宏雁？他表示會帶太太到離島行沙灘：「送花，當然都要送珠寶首飾。（嗰日太太大晒？）平時都已經大晒，一卡卡（鑽石）嗰啲、吻呀，平時都有送。如果男人唔怕醜就唱番首《真的愛你》，代埋個仔唱。」而前天氣女郎黃婉曼與老公馮柏基的團體馬「跳出香港」於尾場跑出第一名，二人齊齊拉頭馬慶祝。

文：專案組