關菊英谷盡本錢 Big上喉嚨

藝人夏雨、李司棋、米雪、關菊英及阮兆祥等主演的舞台劇《秘密》前晚於新光戲院大劇場演出首場,提到菊姐有性感演出,祥仔笑說:「如果要畀100分,我畀120分,佢個胸上到喉嚨,我都唔敢望。」他更謂觀眾對菊姐的性感造型拍爛手掌。菊姐解釋是劇情需要,問到於台上演出可有尷尬,她說:「舞台劇始終有個距離,所以我冇咁怕醜。如果喺電視有近鏡,可能會驚啲。睇吓劇情需要啦!賣弄性感都唔輪到我。」

夏雨表示首場反應不錯,演出時不覺得緊張。李司棋亦說:「可能因為群戲,大家分擔咗戲份又唔係好辛苦。」他們表示請了不少好友到場欣賞,夏雨更透露兒子有捧場,又指舞台劇可直接聽到台下反應及掌聲,與拍劇有很大分別。