雷震設靈 姜大偉送別麻雀腳

五、六十年代當紅小生雷震（原名奚重儉）月初因病離世，享年85歲，昨晚其家屬假紅磡殯儀館為他設靈，今早以佛教儀式出殯後，雷震遺體將移送和合石火化。靈堂以金色布置為主，橫匾寫上「往生淨土」，雷震遺照前擺放着女兒及女婿等至親的花牌，圈中好友包括吳思遠及葛蘭等送上花牌悼念。大會向在場親友派發紀念冊，除有雷震生平簡介及生活照外，導演劉偉強、藝人曾志偉及丁羽等亦撰文作最後致敬。
雷震
雷震

姜大偉到場時表示與雷震認識逾40年：「太太識佢仲耐，有50年喇！佢係超級好人，大家以前係麻雀腳兼鄰居，不過近年佢好少出街，但有女有孫抱，應該無憾。」至於劉偉強坦言自《古惑仔2之猛龍過江》合作後已甚少聯絡：「佢係個文質彬彬嘅人，把聲又好好聽。」丁羽則表示於五、六十年代已與雷震相識：「雖然冇合作過，但我配音時去佢嘅配音室，佢搵好靚嘅普洱茶招呼我。近呢十年佢身體唔好，想約出嚟飲茶都缺席。」

姜大偉（圖）盛讚雷震是超級好人。
  • 姜大偉（圖）盛讚雷震是超級好人。
丁羽拿着雷震的紀念冊。
  • 丁羽拿着雷震的紀念冊。