超蓮做阿四打躉試味
賭王三房千金何超蓮榮升牛肉麵店老闆後，每日不惜紆尊降貴到新店負責開舖、打躉兼收舖，親力親為處理日常業務。連日來為了生意而頻撲，還要試味迎合客人口味，幸好沒有增磅。
何超蓮昨日出席活動時，坦言為了新開業的食店奔波勞碌，凡事需要親力親為，每天都落舖頭坐鎮，更要負責開舖、收舖同試味，她說：「真係好忙！之前好多客人食過話好淡味，依家調整緊，迎合番香港人口味，濃味少少。日日試味以為會肥咗好多，但又冇。」
知道賺錢辛苦
超蓮指要兼顧店員的服務質素，曾有店員落錯單，幸好客人包容向她表示不要緊。超蓮不諱言新開業階段，各樣事情都新都要處理，連母親也向她說：「知道賺錢辛苦呢？」而父親何鴻燊亦試過湯底都讚OK，她笑言：「畀Daddy食點可以唔OK。」她說暫時無意開設分店，計劃想生意先上軌道，才作打算。
JW讚男友廚藝
同場還有歌手JW（王灝兒）及藝人倪晨曦，JW大讚男友的廚藝，指他煮嘢好叻：「平時會喺特別節日煮，好似情人節。佢煮西餐特別有天分。（咁你煮咩回饋佢？）肉醬意粉。（現成買嗰啲？）唔係，個醬我自己整，啲肉都係我切嘅。（屋企人試過男朋友手勢未？）未試過。（男友係咪好老公？）佢係好男朋友。（加晒分？）多過100分！」談到舊老闆天王黎明女友Wing誕下小公主，JW說：「去完旅行返到嚟香港睇報道先知。（會探BB？）佢呢一刻好需要私人空間。」
文：專案組