即將簽約無綫寶珮如預咗掉低頭家
藝人寶珮如（Baby）昨日到電台接受訪問，她最近除了宣傳新歌《寶貝》，亦忙於拍攝劇集，並透露即將簽約無綫：「手上嗰套忙完之後，緊接住六月就會拍無綫劇，同無綫嘅藝人合約都已經傾緊細節，如無意外即將會簽約。」
講到要重返日夜顛倒的拍劇生活，Baby笑言：「我已經畀定心理準備我先生，我話預咗要掉低頭家幾個月！我先生好好，佢叫我即管向理想進發，盡量唔畀壓力我。（驚唔驚老公趁你唔喺度就曳曳？）呢樣係絕對唔會，我對佢百分百咁信任，佢係個大悶蛋又冇乜情趣，『擔屎都唔偷食』嗰種，最多可能拖少兩次地啫，識女仔嗰啲佢唔會。」