何佩瑜為愛崩潰坐路中心爆喊

何佩瑜（Jeana）與陳凱琳（Grace）兩位靚女跨界合作，在《飛虎之潛行極戰》中與吳卓羲譜出三角戀，不過兩女少有對手戲，到「見面」一幕，Jeana已成死屍。

Grace大學先初戀

問到可曾陷入三角關係？兩位靚女都笑言沒有，Jeana更說：「兩男一女都冇喎！」Grace自言中學時期是「乖乖女」專心讀書，到大學才初戀，每段感情都希望走到最後，分手後要完全放下才展開新戀情。Jeana大讚Grace處理得好，笑稱對方找到鄭嘉穎這位另一半很幸福，又自爆曾有「戀愛大過天」的經驗：「人大咗就冇咁注重感情事，冇咁大起大跌。以前試過喺馬路中間崩潰坐低喊，完全冇留意環境，可能好多人以為拍戲先會咁！」目前單身的她就指感情事隨緣。

緊張點擊成績

二人同樣首度拍攝網劇，身為電視演員的Grace開心能夠參與電影級製作，而Jeana亦感謝邵氏高層樂易玲的邀請，獻出其「處女演出」。問到對點擊成績可有壓力？兩女都坦言有，Grace笑說：「會特別緊張出場嗰一集嘅點擊，同平時睇收視好唔同，可以即時睇住個點擊數字一直升，感受到好大鼓勵！」Jeana亦對首部劇集成績感滿意，有機會亦希望再參與拍劇，特別是TVB的古裝戲：「希望有機會試吓拍古裝戲，好似着旗袍、女扮男裝做花木蘭都好。（Grace古裝拍到中暑喎！）我比較怕凍，應該冇問題！」

文：影視組

攝：司徒國榮

陳凱琳服裝：Claudie Pierlot