廖碧兒帶男友見人宣示主權
藝人廖碧兒（Bernice）昨日身穿白色低V裙出席醫學美容活動，最近她坦承與富貴男友Calvin拍拖，但卻有指Calvin與前女友Nina仍未分手兼同遊泰國！對此，Bernice表示百分百相信男友：「我知佢哋係朋友，佢哋兩家人好熟，Nina已經結咗婚，有自己嘅家庭，希望大家唔好騷擾佢。我同Calvin識咗一段時間，係認真先公開，我問過佢係咪單身，佢同我講冇拍拖。（有話你哋只係比較Close嘅朋友？）唔知邊個講，我哋已經好公開！」至於會否偕男友出席活動以正視聽，她坦言要看機會，笑言已約了對方見面。
阿Yu大女拒做騷
提到Calvin開派對並與靚女合照，Bernice稱照片並非最近所拍，她亦認識相中幾位女性，問到男友屬高富帥，故多靚女埋身？她即自信地說：「咁我自己都靚，多人去追！」至於是否視對方為結婚對象，她直言兩人拍拖不久，未有傾過有關問題，需要更多時間去了解。
同場的趙頌茹（阿Yu）早前帶細女到越南旅行，兼自家拍攝親子真人騷，她有意再拍第二季：「其實只係實驗性質，係自發性紀錄片，下次都會預埋細女。（大女唔會想跟埋去？）唔會，佢叫我唔好影響佢學校生活。（有冇諗住拍真人騷節目？）我只係想展示小朋友最真實一面，唔想太過娛樂。」
