由馬來西亞來港發展八年的歌手Gin Lee（李幸倪）憑一把靚聲，吸納不少粉絲支持，近年她終於捱出頭，將於6月首次在紅館舉行處女騷。日前她接受東網巨星訪問，不但大爆不少「第一次」的經歷，還展現其「小巨肺」功力，實力盡顯!

入行多年的Gin Lee，近年在樂壇嶄露頭角，唱功備受大眾讚賞。雖然事業漸入佳境，惟愛情方面，她自爆第一次的情傷經歷，至今難忘：「真係好痛！曾經有一個男仔，我覺得佢係全世界最有才華嘅人，當時大家互相都有感覺，但係最後都冇一齊到，佢仲鍾意咗我另一位同學，嗰時真係好傷心，不停喊，用咗3年時間平復。」

她又細訴第一次看見偶像的心情，原來她多年來一直喜歡歌手方大同，與他首次對話是在一個大型頒獎禮上：「當時第一次見佢係喺個頒獎禮上，我行過去問佢可唔可以同佢影相，佢話當然可以，我仲記得我講嘅時候塊面紅晒，依家諗起都覺得尷尬，因為我哋依家做咗朋友。」

另外，Gin Lee大展「小巨肺」功力，當中要「拉長尾音」挑戰可維持多少秒，她即表現自信：「好容易啫！」最終挑戰成功，維持了20秒，非常厲害！

文：專案組

髮型：Eve Chiu @Muse Hair

化妝：Circle Cheung@ndnco

服裝：Marella, Amelie Street, Swarovski