陳栢熹開古着店盼成旅遊景點
Moiselle太子爺陳栢熹（Harris）每年公司周年慶都有不同主題，今年亦不例外，他們一家均全情投入，以不同Cosplay造型亮相。Harris以男版日本歌伎造型上陣，爸爸陳欽杰着上太空裝，媽咪徐巧嬌與細妹陳蕾安則以印第安打扮示人。Harris說：「今年有四個唔同主題，希望同事有多啲創意，因為每日嘅工作已經好死板，大家可以參與輕鬆吓。」
Harris又透露今年不停在香港、內地、東京等地周圍飛，5月將與Angelababy經理人Kim合作開古着店，他說：「舖頭會有好多唔同年代嘅衣物，其實唔一定係要賣，反而希望搞到有聲有色，想成為旅遊景點，因為每個年代都有唔同嘅特色服裝，身邊亦有好多朋友收藏咗唔少古着，畀大家欣賞吓都好。」