迪子捉實淫辱「蕉蕉」谷到頭脹
擁有35E導彈身材的歌手迪子，自認令貓瘋狂，她飼養的5歲唐貓「蕉蕉」每次都聞「迪」色變：「『蕉蕉』係好友莊端兒喺街執番嚟嘅流浪貓，可能貓唔鍾意人太熱情，佢每次見到我都會好嬲咁樣，好好笑！」問她對「蕉蕉」的熱情度有多高？她說：「我一見到佢，就會忍唔住捉住佢，跟住又攬又錫，又同佢瘋狂自拍！『蕉蕉』個頭其實好瘦，佢唔鍾意我攬實佢時，就好似啲青蛙咁，谷氣谷到個頭都脹卜卜，真係好得意！佢好乖，唔會出爪抓人，所以次次都唔情願咁屈服喺我嘅淫威之下。」
問到與「蕉蕉」可有難忘事？她記得有次在家，另一隻貓疑想襲擊她，「蕉蕉」即飛身坐在身邊似想保護主人，自始她就深深愛上「蕉蕉」，一見到就情不自禁要好好親熱。她指貓咪雖然是肉食動物，但「蕉蕉」愛食菜葉，她笑說：「為咗氹『男友』開心，我成日請佢食正菜，佢食完，就到我淫辱佢。」
