楊愛瑾賀Kary獲回覆餅碎重圓
藝人楊愛瑾（Miki）早年被懷疑爆好姊妹吳雨霏（Kary）小產，自此關係破裂，聚會更有你冇我。昨日Miki出席活動時，大方表示有向再度佗B的Kary送上恭喜，獲對方回覆，她亦希望能相約聚會，看來餅碎得以重圓！
「餅碎」楊愛瑾昨日露長腿出席護眼活動，對於傳不和的吳雨霏（Kary）再度有喜，懷孕6個月，Miki戥對方開心，更表示有親自送上祝福：「有Message佢。（佢有覆？）有！（之後會約出嚟？）大家得閒約到當然好，可以聚一聚，但相信佢應該好忙，因為係第一胎，要準備好多嘢，所以唔急住，幾時都得。」她謂沒有問Kary佗仔還是女，留待對方自己公布。問到可會過兩招湊仔心得給Kary？Miki笑說：「我依家記性差咗好多，唔記得有冇同佢講過。」
老公安排二人世界
講到囝囝Luken上月1歲生日，Miki說：「時間過得好快，佢依家比BB時更得意，上兩個星期我去咗做嘢3、4日，已經有啲唔捨得佢，但同老公傾過，生活要有Balance，覺得每年應該有少少二人世界嘅時間，但我又真係唔捨得個仔。」
問Miki可有計劃生下一胎？她說：「有傾過，都Ready。（努力緊？）未完全開始努力，想隨緣，但又唔好隔咁耐。」問到是否想追個女？她說：「如果個天畀個女我當然好開心，但如果係仔都好開心，因為好活潑。」
文：音樂組