Mr.籌備音樂會賀出道十周年
樂隊Mr.昨日演出戶外音樂騷，久未在港合體開騷的五子吸引過百市民圍觀，歌手彭健新亦有現身支持。Mr.將於六月迎來出道十周年，透露正積極籌備紀念音樂會：「要夾到大家鍾意嘅場地同日子，一定會係下年嘅事情。」
他們又強調Mr.從未解散，只是轉做獨立樂隊的形式，暫時不考慮簽唱片公司：「Mr.呢個樂隊一直都存在，我哋會繼續做音樂，五個成員分開時亦會各自發展。簽唔簽公司好睇緣分，唔係現階段我哋最關心嘅嘢。」而主唱Alan的囝囝大前日兩歲生日，他表示當日帶囝囝到主題樂園遊玩，但無奈說：「佢依家唔係好理我，因為我比較少時間陪佢。」