陳柏宇特訓愛犬望B狗共存
陳柏宇（Jason）的囡囡將於10月出世，但準爸爸已作好一切準備，更感恩太太符曉薇（Leanne）因懷孕而變得脾氣好；不過現時最頭痛是處理家中愛打架的頑皮狗，不想棄養的Jason打算送狗狗往受訓，望狗狗與BB能和諧共存。
歌手陳柏宇昨日舉行藍光碟簽名會，談及太太的腹中BB約於半年後出世，Jason表示心情還未開始緊張，但是趁太太臨盆前要先處理令他頭痛的事，他說：「屋企嗰兩隻狗成日打交，尤其係食完飯就會開始『嚟料』。Leanne同媽媽都唔係好識處理嘅，平時有我喺度都好啲，我可以制止佢哋，問題係我出咗去做嘢唔係成日喺屋企，所以要快啲約狗隻訓練師，睇睇可以點搞。」
寄養覺得好灰
愛狗之人Jason揚言最不想棄養，他說：「有諗過到最後最差嘅情況係畀個朋友照顧，我隻狗同嗰位朋友有相處過，大家都住得近，我可以晚晚去探佢，但係如果真係咁樣會好灰，好難過！」Jason希望想盡早處理好兩隻愛犬的問題，免得BB出世後麻煩更大！
搵陪月學育嬰
問到Jason如何照顧大肚的Leanne？他指太太佗BB佗得很好，沒有胃口欠佳，最難得是脾氣也變得好：「諗諗吓，佢好似比平時仲少（發脾氣）咗，哈哈！」Jason又指會摸Leanne的肚，同時，現已開始搵陪月、見醫生、約上湊仔班學習育嬰。
文：音樂組