江若琳餐餐食麵體重急升13磅

藝人江若琳及杜汶澤等昨日出席盧覓雪的曲奇品牌活動，榮升麵店老闆的江若琳笑言新店試業期間，自己一日三餐都食麵，記者打趣問她是否開始嫌悶？她說：「未，有好多口味加上又有涼菜，但我體重就由100磅升到113，點做運動都覺得個磅係壞咗唔郁！（驚婚紗唔啱着？）最尾兩個月地獄式減囉！今日有意外收穫，諗住叫盧覓雪幫我做回禮曲奇。」
江若琳增磅不少，結婚前要努力啲減番啦！
江若琳增磅不少，結婚前要努力啲減番啦！

而杜汶澤大讚曲奇好味：「佢整啲餅好食過謝霆鋒！（唔驚霆鋒嬲？）事實嘛，霆鋒啲嘢好食，但盧覓雪啲嘢好X好味，好食到要講粗口！」談到主持網上節目，他坦言：「頭一年預咗蝕，我嘅責任係使錢，每個月支出幾十萬，好彩有拍檔，集中火力做好節目內容就可以。」

黃婉曼（左起）、杜汶澤、盧覓雪、江若琳及林海峰齊齊試曲奇。
  • 黃婉曼（左起）、杜汶澤、盧覓雪、江若琳及林海峰齊齊試曲奇。