林夏薇「栢芝上身」辣着陳家樂
藝人陳家樂因無綫劇《逆緣》人氣急升，與林夏薇（薇薇）的「情侶檔」為觀眾受落，所以他自發相約對方拍網上短片，預告「戀情」即將發生，短短一晚錄得逾15萬點擊。家樂今次兼任導演，與薇薇重演《喜劇之王》中周星馳「挑逗」張栢芝的經典場面。身為人妻的她大解放，拍攝時跟足「劇情」用長腿夾實家樂，家樂則輕托人妻粉臉齊放笑彈。
據知，劇情稍後講述家樂與薇薇愛在心中口難開，家樂因要入警校受訓而「斷絕關係」，直至薇薇因家事而寄宿家樂屋簷下，「同居」後才正式撻着，他說：「因為感情線太遲發生，好多網友問點解，咪諗住拍條片同大家熱吓身先！」問到薇薇有否擔心老公呷醋？她說：「唔會啦！老公不知幾鍾意呢場戲，大大話話睇咗幾百次，仲熟過我。（對白有啲不文喎！）呢方面我都係跟陳導（指家樂）嘅劇本去做啫！」
阻阿媽探班見偶像
另外，家樂因角色大受小朋友歡迎，不時在街上被截停索合照，他笑說：「多謝大家支持，最激氣係我阿媽仍然鍾情我個『乖孫』黎耀祥，記得拍嗰陣佢成日話要嚟湯嚟探班，實情係想見偶像，我梗阻止佢啦！」
文：影視組