聽到火警鐘響要盡快走到安全的地方！身為公眾人物的泳兒（Vincy)做了正確示範，事關她日前經歷人生第一次走火警，身水身汗行足27層樓梯，沒想到竟然被同事隱瞞，原來只是火警演習！
前日Vincy身在唱片公司會議室開會時，突然火警鐘響，即使辦公室位處27樓高層，她亦乖乖聯同工作人員沿樓梯走到地面逃生，最後發現「火警」原來是虛驚一場，是大廈一年一度的走火警演習。
對此，Vincy笑言好彩：「人生第一次走火警，喺公司十幾年都未試過，真係可以去買六合彩。要行成27層都真係甘甘哋，Feel到肌肉痠痛。」她更直言今次上了一課：「我有即刻上網睇走火警要帶邊三寶，原來銀包係唔包括喺入面嘅，我都淨係帶咗手機。」
不過事件最好笑的是，當Vincy落到地面時，一臉認真地問保安何處着火，才知原來整幢大廈的人都知今次是演習：「我即刻O晒嘴，完全冇為意係畀人整蠱，因為啲同事個樣好逼真，仲話聞到有『（火羅)』味，我咪信以為真，仲要走埋去隔籬房叫啲同事話『着火喇，快啲走！』」
Vincy定過神後回想事件：「其實後來諗番都有破綻位，有乜理由走火警大家個樣仲咁輕鬆，仲要拍埋片，原來得我唔知今次係演習，佢哋夾埋整蠱我。後來睇番條片入面自己嘅表情都笑咗幾次，發覺畀人呃嘅時候真係嚟唔切反應。」其實火警演習都是為大家安全着想，千萬不能掉以輕心呀！
文：音樂組