周國賢功夫零蛋打唔郁唐文龍

藝人周國賢、唐文龍、古天祥與趙碩之前晚出席澳門電影首映，周國賢表示於片中飾演學生，有不少暴力打鬥場面：「我係零功夫底，戲入面要同唐文龍打，拍嗰陣都滴晒汗！試過推唐文龍，佢好似石像咁推極都推唔郁。（再拍動作片？）要睇吓仲有冇導演剪接得咁犀利，出嚟呃到吓人。」
唐文龍（左）咁大隻，周國賢真係以卵擊石。
唐文龍（左）咁大隻，周國賢真係以卵擊石。

趙碩之到場支持發燒抱恙的唐文龍，透露近期忙於拍戲及到內地登台：「以前唔鍾意出入夜場，覺得學唔到嘢，淨係鍾意演戲，唔覺得搵錢艱難，依家都唔係錢行先，但心態轉變咗。」她又指近期唱了多首電影歌曲，將來儲夠歌才考慮出碟。

趙碩之近期經常到內地登台搵人仔。
  • 趙碩之近期經常到內地登台搵人仔。