組合新青年理髮廳昨日到電台宣傳新歌《給傷心》，表示歌曲為一位有情緒病的女性朋友而寫：「上年有啲唔開心，我哋相信所有人都會有唔開心嘅時間，希望帶啲能量畀大家。」5月他們會開兩場音樂會，今年至明年年初會舉辦一系列的四個演出，至於5月的主題是關於懷念：「我哋個名係因為新青年電髮廳而改，呢間舖頭原來已經執咗，好多嘢同關係都會突然消失，希望可以留低我哋同一啲重要嘅嘢。」
